Unha delegación de CUAC FM participará este sábado 23 de xaneiro de 2015 na «Xornada de ondas libres e comunitarias» organizada pola radio libre compostelá A Kalimera. Durante a mañá, as radios integrantes da REGARLIC debatiremos sobre as problemáticas comúns e estratexias compartidas polo terceiro sector da comunicación en Galicia.
O sábado pola tarde, desenvolveranse unha serie de obradoiros formativos, nos que o noso compañeiro Alex Cortiñas, membro da coordinadora de TIL, impartirá un taller sobre streaming e o programa de grabación automática «Radioco» que desenvolvemos en CUAC FM.
